ՀՀ ԱՆ. Ստորագրվեց հուշագիր

Քրեակատարողական հիմնարկներում բժշկական օգնության և սպասարկման որակի բարելավման նպատակով ՀՀ արդարադատության նախարարության, ՀՀ առողջապահության նախարարության և. Երևանի Մ. Հերացու անվան պետական բժշկական համալսարանի միջև ստորագրվեց համագործակցության հուշագիր:

ՀՀ առողջապահության նախարար Արմեն Մուրադյանը նշեց, որ այս քայլով հաստատակամորեն կշարունակվեն ոլորտում որդեգրված այն սկզբունքները, որոնք միտված են  որակի, մատչելիության և անվտագության բարելավմանը:  

«Համոզված եմ, որ հուշագրի ստորագրմամբ կբարելլավի փակ վայրերում անազատության մեջ գտնվողների բժշկական օգնության և սպասարկման որակը։ Վայրեր, որտեղ ծանր, դեպրեսիվ վիճակները կարող են բերել սոմատիկ հիվանդությունների առաջացման, հասցնել նաև ինքնավնասման, ինքնասպանության փորձերի»,-ասաց Արմեն Մուրադյանը։

«Նույն պատրաստակամությամբ մասնակից ենք լինելու ինչպես խորհրդատվական աջակցություն ցուցաբերելով, այնպես էլ` բժշկական օգնությունը տեղում  իրականացնելով, կադրերին վերապատրաստելով` բժիշկներին մասնակից դարձնելով շարունակական զարգացման մասնագիտական ծրագրերին»,-հավելեց Արմեն Մուրադյանը:

ՀՀ արդարադատության նախարար Հովհաննես Մանուկյանը նշեց, որ  աշխատանքային երկարատև քննարկումների արդյունքում եկել են եզրակացության, որ    դատապարտյալների առողջության, ոլորտին վերաբերող այլ հարցեր կարող են լուծվել համատեղ ջանքերով:

ՀՀ կրթության և գիտության նախարար Արմեն Աշոտյանը նշեց, որ Երևանի Մ. Հերացու անվան պետական բժշկական համալսարանը որպես լավագույն բուհերից և խոշոր բժշկական կենտրոններից մեկը երկու առաքելություն ունի։ Եւ պատահական չէ, որ հուշագիրը ստորագրվում է հենց բժշկական մայր բուհում։

Ստորագրմանը ներկա երեք նախարարը նշեցին, որ հուշագրում ամրագրված դրույթները կարող են կյանքի կոչվել միայն համատեղ ջանքերով։

Հարցեր, պատասխաններ, մեկնաբանություններ